Toshkent aeroportida opera fleshmobi bo‘lib o‘tdi
Bugun, Toshkent xalqaro aeroportida yo‘lovchilarni kutilmagan hodisalar qarshi oldi: jo‘nab ketish zalida Alisher Navoiy nomidagi Davlat akademik katta teatri san’atkorlari Navro‘z bayrami munosabati bilan opera fleshmobi uyushtirishdi.
Tadbir mutlaqo kutilmaganda boshlandi: shoshib ketayotgan yo‘lovchilar orasidan opera ariyasining birinchi sadolari eshitildi. Alisher Navoiy nomidagi Davlat akademik katta teatri solistlari odamlar orasidan chiqib, tasodifiy yo‘lovchilardek kuylashni boshlashdi. Birin-ketin yangi ovozlar qo‘shildi va tez orada butun terminal opera sadosiga to‘ldi.
Yo‘lovchilar odatdagi aeroport shovqini orasida yangragan samimiy ariyalarni maroq bilan tinglashdi. Ko‘pchilik uchun bu ajoyib hodisa edi: uchib ketishdan oldin san’at asaridan bahramand bo‘lish uchun noyob imkoniyat. Katta teatr artistlari Lenara Zokirova, Muhammadali Jo‘rayev, Muhammadyusuf Abduqodirov va Shohida Nurmatova yo‘lovchilar uchun italyan operasi durdonalari hamda Botir Zokirov repertuaridan bir nechta qo‘shiqlarni ijro etishdi.
Bu antiqa konsert musiqa chegara bilmasligi, san’at va madaniyat insonlarni birlashtirishiga yaqqol misol bo‘ldi. Muhimi, katta san’at an’anaviy sahnalar doirasidan chiqib, xalqning ichiga kirib kelishi – chinakam Navro‘z bayramining ruhidir.
25 Mar, 2025