Auditoriyadan uchish-qo‘nish yo‘lagiga: bo‘lajak uchuvchilar aeroport bilan yaqindan tanishishdi
“Toshkent” xalqaro aeroportida Transport universiteti talabalari uchun chinakam esda qolarli kun bo‘lib o‘tdi. “Havo kemalarining parvoz ekspluatatsiyasi” fakultetining bo‘lajak uchuvchilari odatdagi auditoriyalarni real aviatsiya obyektlariga almashishdi va aeroport qanday ishlashini ichidan ko‘rishdi.
Ekskursiya davomida yoshlar aeroport infratuzilmasi, aerodrom xizmatlari faoliyati va havo kemalariga xizmat ko‘rsatish jarayonlari — texnik jihatlardan tortib servis operatsiyalarigacha yaqindan tanishdilar. Ilgari faqat darsliklar bo‘lsa, xozir esa amaliyot.
Bunday amaliy tashriflar nafaqat nazariyani mustahkamlashga, balki kasbni chuqurroq his qilishga yordam beradi: aeroport ritmini tushunish, xizmatlarning o‘zaro hamkorligini ko‘rish va o‘zini kelajakdagi uchuvchi rolida tasavvur qilish imkonini beradi.
Bu kabi tadbirlar muntazam o‘tkazib kelinmoqda va mutaxassislar tayyorlashning muhim qismiga aylangan — ular ta’limni real soha bilan yaqinlashtirib, o‘qish jarayonini yanada mazmunli va amaliy qiladi.
29 Apr, 2026