Urganch aeroporti DXSh loyihasi – Axborot xabarnomasi
O‘zbekiston Respublikasi hukumati “Urganch” xalqaro aeroportini rekonstruksiya qilish va boshqarish loyihasi uchun malaka so‘rovini (RfQ) berishga tayyorlanmoqda.
O‘zbekiston Respublikasi hukumati (“O‘RH”) “Uzbekistan Airports” AJ (“UzAirports”), Transport vazirligi (“TV”) va Iqtisodiyot va moliya vazirligi (“IMV”) orqali Urganch xalqaro aeroportini rekonstruksiya qilish va boshqarish bo‘yicha Davlat Xususiy sheriklik (“DXSh”) loyihasini amalga oshirishni rejalashtirmoqda (“Loyiha”).
O'zbekistonning Xorazm viloyatidagi Urganch shahriga yaqin joyda joylashgan Urganch xalqaro aeroporti mintaqa uchun asosiy transport markazi bo'lib ishlaydi. U ichki va xalqaro reyslarni qabul qilib, yo‘lovchilarni O‘zbekiston ichidagi va xorijdagi manzillar bilan bog‘lovchi muhim bo‘g‘in bo‘lib xizmat qiladi. Turizmni va savdo-sotiqni rivojlantirish uchun muhim ahamiyatga ega bo‘lgan Urganch xalqaro aeroporti ham mahalliy aholi, ham davlatimizga tashrif buyuruvchilar uchun muhim havo aloqasini ta’minlaydi. Ta'kidlash joizki, aeroport YUNESKOning Butunjahon merosi ro'yxatiga kiritilgan tarixiy Xiva shahriga tashrif buyuruvchi sayohatchilarga xizmat qiladi.
Urganch aeroporti butun Yevroosiyo boʻylab 8 ta aviakompaniyaga muntazam ravishda va 40 ga yaqin aviakompaniyaning charter-reyslariga xizmat koʻrsatadi. 2023-yil holatiga ko'ra, aeroportda 590 ming yo'lovchiga va 105,8 tonna yukga xizmat ko'rsatilgan. Har yili yoʻlovchi tashish hajmi oʻrtacha 7,5 foizga, yuk tashish hajmi esa 8,2 foizga oʻsishi kutilmoqda.
O‘zbekiston hukumati iqtisodiyotning turli tarmoqlari, jumladan, transport infratuzilmasi bo‘yicha davlat sektori investitsiyalari va xizmatlar ko‘rsatish mexanizmlari samaradorligini oshirish bo‘yicha islohotlar dasturini amalga oshirmoqda. Ushbu dastur doirasida hukumat butun dunyo mamlakatlari bilan aloqani kuchaytirish, xalqaro aviakompaniyalar xizmatlaridan foydalanish imkoniyatini yaxshilash, turizm, savdo va ish o‘rinlari yaratishni rag‘batlantirish uchun transport infratuzilmasida DXSh yechimlarini joriy etishni rejalashtirmoqda.
“UzAirports” kompaniyasi ushbu orqali aeroportlarni qurish yoki rekonstruksiya qilish va boshqarishda tajribaga ega bo‘lgan barcha manfaatdor tomonlarni loyihaga potentsial qiziqishning dastlabki va majburiy bo‘lmagan istagini bildirishga taklif qiladi. Iltimos, quyida keltirilgan aloqa maʼlumotlaridan foydalanib, 2024-yil 15-aprel oxirigacha qisqa xat orqali javob bering.
Dastlabki rasmiy saralash jarayoni (RfQ) keyinroq 2024-yilning bahorida boshlanishi kutilmoqda va O‘zbekiston hukumati va UzAirports portallari orqali e’lon qilinadi. Loyiha Urganch aeroportida eng yuqori samaradorlik va xizmat ko'rsatishni ta'minlay oladigan global soha yetakchilarini jalb qilishi kutilmoqda.
“UzAirports” xususiy sherikni tanlov orqali qnialashda yordam berish uchun PricewaterhouseCoopers (PwC) va White-and-Case (W&C) kompaniyalarini ixtisoslashgan maslahatchilar sifatida jalb qildi.
Loyiha quyidagi rekonstruksiya va qurilish ishlarini o‘z ichiga oladi:
- 3500 metrlik yangi uchish-qo'nish yo'lagini qurish;
- asosiy taksi yo'lagini qurish;
- 2 ta tezyurar taksi yo'lagini qurish;
- 2 ta oʻzaro bogʻlovchi taksi yoʻlaklarini qurish;
- mavjud perronni rekonstruksiya qilish;
- yangi hukumat terminalini qurish;
- yangi yuk terminalini qurish;
- maxsus jihozlar binosini qurish;
- yangi umumiy ovqatlanish majmuasini qurish;
- 39 000 m² maydonni egallagan xalqaro reyslar uchun soatiga 1000 yoʻlovchiga (ham joʻnash, ham kelish), ichki reyslar uchun esa 300 nafar yoʻlovchiga xizmat koʻrsatishga moʻljallangan yangi yoʻlovchi terminalini qurish.
Aerodrom va yangi hukumat terminali davlat mas'uliyati ostida bo'ladi. Xususiy sherik yo‘lovchi terminali va uning atrofidagi hudud, yuk terminali, maxsus jihozlar binosi va umumiy ovqatlanish majmuasi uchun javobgar bo‘ladi.
Sizning qiziqishingizni intiqlik bilan kutamiz. RfQ ishga tushirilgandan so'ng, Loyiha haqida batafsil ma'lumot berish uchun onlayn tadbir o'tkaziladi.
|
Uzbekistan Airports AJ |
|
email: tender.info@uzairports.com, r.zhanabaev@uzairports.com, x.oljayev@uzairports.com Telefon: (+998) 555 01 47 47, ichki 4510 va 4558 |
|
PwC |
|
email: oybek.yuldashev@pwc.com |
01 Apr, 2024